LEVEL UP SA SERBISYO OCTOBER 27, 2024

Dako akong kalipay nga nakaattend sa gipahitabong Intramurals karung adlawa sa Assumption Academy of Compostela. Importante kaayo ning higayon diin mapakita sa atong mga estudyante ang ilang mga abilidad ug kadasig sa sports ug mga nagkalainglaing activities.

Dako akong pasalamat sa kanunay nga pag-imbita kanako sa inyong mga kalihokan. Uban kaninyo, akong gisuportahan dili lang ang kalampusan sa matag estudyante, pero pati na usab ang mga programa sa eskwelahan alang sa atong komunidad. Sa kanunay, magtinabangay kita aron masiguro nga ang mga kabatan-onan makab-ot ang ilang mga pangandoy ug mamahimong andam para sa kaugmaon.

Kami sa munisipyo kanunayng magtinabangay sa mga kalihokan ug mga programa nga makapalambo kaninyo ug sa tibuok Compostela. Padayon sa inyong maayong buhat, ug salamat kaayo sa inyong pagsalig ug mainit nga pagdawat kanako sa inyong eskwelahan.

Daghang salamat Assumption Academy of Compostela!