LEVEL UP SA SERBISYO OCTOBER 25, 2024
Sa akong pagtambong sa Family Day sa Compostela Christian School, ang akong unang nakita mao ang mga ginikanan nga nagubans sa ilang mga anak sa gipahitabo karon. Dako ang akong pagpasalamat sa inyong presensya, nga nagpakita sa inyong suporta ug gugma para sa inyong mga anak. Ingon man, isip usa pud ka amahan, nasayud ko kung unsa ka importante ang inyong pag-apil ug pag-uban sa inyong mga anak sa mga okasyon sama niini. Ang inyong dedikasyon naghatag og inspirasyon sa mga estudyante ug nagpasabot nga importante ang edukasyon.
Gusto usab nako ipaabot ang akong suporta sa eskwelahan ug sa mga estudyante. Uban ni Cristine Klaire Calabria-Seniego ug Gaspar Lorono, nagtan-aw kami sa mga kabataan nga nagmalipayong naghiusa uban sa ilang mga pamilya. Isip mayor, andam ko nga magpadayon sa paghatag og suporta sa atong mga estudyante ug sa mga kalihokan sa eskwelahan. Daghang Salamat Compostela Christian School Inc. sa inyong kanunayng pag-imbita kanako.
Gitambungan nato ang Intramurals sa Gabi National High School!
Nabati nako ang kusog nga pag-welcome gikan sa mga estudyante ug magtutudlo nga puno sa kadasig! Kauban sila Cristine Klaire Calabria-Seniego ug Gaspar Lorono, nagpakita kami sa among suporta sa inyong mga kalihokan.
Isip inyong mayor, nagtuo ako sa inyong potensyal. Ang inyong mga pangandoy ug pagpaningkamot naghatag inspirasyon sa tanan. Andam kami nga motabang sa inyong kalampusan, kay ang inyong pag-uswag usa ka paglaom alang sa atong lungsod. Magpadayon kita sa atong paningkamot!