LEVEL UP SA SERBISYO OCTOBER 17, 2024

Mapasalamaton kami sa oportunidad nga makauban ang Philippine Ecumenical Christian Church sa Purok 2C Mangayon, kauban ang mga Pari ug katawhan sa pagselebrar sa Feast of Our Lady of Fatima. Karong adlaw usa ka panahon sa pagpakita sa lawom nga debosyon, pagpamalandong, pag-ampo sa komunidad, ug paglaom nga naghiusa sa mga katawhan sa pagtuo. Diri atong nadunggan ug nabati ang mensahe sa Ginoo nga naghatag kaisog ug paglaom kanato para padayon na magtinabangay.

Mapasalamaton usab kami ilahang gihatag na panalanginan sa Team LEVelUp. Ang inyong suporta ug mga pag-ampo naghatag kanamo ug kaisog nga magpadayon sa pagserbisyo alang sa kaayohan sa atong komunidad. Uban sa inyong panalangin, padayon nato nga mapalig-on ang atong espirituhanong kinabuhi ug mas mapalambo pa ang atong mga programa. God bless kanatong tanan!

Malipayon akong nakig-uban karong adlawa sa pag-release sa AKAP Pay-out alang sa mga GKK members, uban ang atong Vice Mayor Ricky P. Hechanova, BM Kol Herv Zamora-Apsay ug BM Kris Caballero ug ang Team LEVelUp. Kini nga kalihokan usa ka dakong kahigayunan alang sa mga benepisyaryo, ug dako among pasalamat sa walay puas nga suporta ni Congresswoman Maricar Zamora, nga kanunay nagpakita sa iyang pag-atiman alang sa atong lungsod sa Compostela. Ang pondo nga gikan kang Pres. Bongbong Marcos ug Speaker Martin Romualdez usa ka dako nga tabang, ilabi na sa mga pamilya nga nanginahanglan.

Pinaagi sa maong hinabang, makahatag kita ug dugang oportunidad aron mapalambo ang kinabuhi sa atong mga katawhan. Salamat sa tanan nga mitampo ug nagtinabangay aron mamahimong malampuson kini nga programa, nga nagdala ug dako nga kausaban sa kinabuhi sa atong mga kaigsuonan. Ang inyong suporta dili lamang usa ka ayuda, kundili usa ka tinubdan sa paglaom ug kahigayonan alang sa mas maayong kaugmaon sa atong komunidad. Pinaagi sa atong panaghiusa, mas daghan pa kita’ng maabot ug mapadangat nga kalamboan!