LEVEL UP SA SERBISYO JUNE 18, 2024

Coordinative Meeting – Incident Management Team (IMT)

Gitambungan nato ang gipahigayon nga Coordinative Meeting sa atong Incident Management Team (IMT) kauban ang nagkadaiyang Committees para sa atong Araw ng Compostela. Ang maong meeting naglatag sa mga plano ug angay nga mga plastada para sa matag aktibidad sa selebrasyon. Kini aron mabuhatan ug detalyadong Operational Plan ang atong IMT. Usa sa atong mga gipaningkamotan mao ang pagseguro nga ang atong pagselebrar sa Araw ng Compostela mamahimong safety ug plastado.

Among gihisgutan ang mga kinahanglanon alang sa matag kalihokan, lakip ang mga plano sa contingency aron makaandam kami sa bisan unsang wala damhang sitwasyon. Gihatagan usab namo og gibug-aton ang kamahinungdanon sa paghiusa sa tanang sektor aron makab-ot ang among komon nga tumong sa paghimo sa among kasinatian nga luwas ug makalingaw.

Daghang salamat sa inyong padayon nga kooperasyon ug suporta alang sa kalampusan sa atong mga kalihukan. Maghiusa kita aron masiguro nga ang tanan luwas ug malipayon sa atong selebrasyon, ug uban sa atong pagtinabangay, ato gyud mas mapa-LEVelUp atong selebrasyon.