LEVEL UP SA SERBISYO JULY 10, 2024
Emergency Cash Transfer (ECT) – Barangay San Miguel ug Barangay Lagab
Malampuson nga gipahigayon ang Emergency Cash Transfer (ECT) payout alang sa mga residente sa Barangay San Miguel ug Barangay Lagab.
Among gipaabot ang among kinasingkasing nga pasalamat sa Nasyonal nga Gobyerno, partikular sa Opisina ni Presidente Ferdinand Marcos Jr., House Speaker Martin Romualdez, ug DSWD Secretary Rex Gatchalian, ingon man sa tanang ahensya sa gobyerno sa ilang walay puas nga suporta. Dugang pa, among gipahayag ang among kinasingkasing nga pagpasalamat sa among representante gikan sa Unang Distrito sa Davao de Oro, Congresswoman Maricar S. Zamora, sa iyang walay puas nga dedikasyon ug pagtabang sa katawhan sa Compostela.
Daghang salamat, Congresswoman Maricar Zamora!
Tebow CURE Children’s Hospital of the Philippines
Ang Tebow CURE Children’s Hospital of the Philippines mopahigayon ug mobile screening sa Municipal Covered Court karong July 16, 2024. Kini nga kalihokan magpahitabo ug libreng konsultasyon, nutrition assessment, ug lain-laing serbisyo. Dugang pa, ang mga konsultasyon alang sa elective surgeries para sa mga bata nga 18 years old paubos. Ayaw kini palabya nga oportunidad nga makasinati ug ingun ani nga mga libring serbisyo sa pag-atiman sa kahimsog alang sa inyong mga anak.
Para sa kompleto ug dugang detalye, palihog sa pag bisita sa inyuhang mga Barangay Health Centers. Ug alang sa mga interesado ug gusto mo avail sa maong mga serbisyo, palihog palista sa inyohang mga Barangay Health Center.