OCTOBER 18, 2024 ACTIVITIES
Dakong garbo kanato mga taga Compostela nga ang Team LEVelUP Compostela Women’s Volleyball kay nahimong 2 times Champion sa Inter-Municipality Volley League Women’s Division sa atong probinsya. Nalipay gyud ko sa inyong presensya ug sa mga kalampusan nga inyong nadala. Ang inyong mga gipaambit nga mga kadaugan sa mga dula usa ka dakong dungog, dili lang para sa inyong grupo, kundili para sa tibuok Compostela. Kining kadaugan dili lamang usa ka pasidungog sa atong mga atleta, apan usa usab ka pasabot sa atong pagkahiusa ug paningkamot.
Nagpakita kini nga kung magtinabangay kita, walay imposible nga dili nato makab-ot. Magpadayon kita sa pag-suporta sa mga nagkalaing-laing mga sports nga nagdala ug dungog sa atong lungsod. Daku kaayo ang akong pagpasalamat kaninyo ug padayon tang molambo! Padayon kamo nga magpahinumdom sa kanila nga aduna pay daghang kadaugan nga moabot. Padayon Team LEVelUP!
Sa atong pagdawat sa mga magtiayon sa Kasalan sa ALS dinhi sa Barangay Gabi uban ang atong Vice Mayor Ricky Hechanova ug ang Team LEVelUP, dako ang among kalipay nga makita ang ilang mga ngisi ug kadasig. Kining kasal mao ang pinakaunang sibil nga kasal sa atong probinsya alang sa mga estudyante sa Alternative Learning System, ug dako kini nga milestone sa atong komunidad.
Ang mga estudyante nga nag-apil nga dugay napud nagtinguha na makasal diin nakahatag sa ilang mga kasingkasing sa pagbuo sa mga pamilya, nga nagpadayag sa ilang pagpaningkamot sa pagkat-on ug pag-uswag.
Gipasalig nako nga ang lokal nga panggamhanan magpadayon sa pagsuporta sa mga inisyatibo sama niini. Magpabilin kita nga magkahiusa aron mas daghang mga oportunidad ang mahatag sa atong komunidad. Salamat sa tanan nga nag-apil, ug daghang salamat usab sa atong mga guro ug mga kauban nga nagtudlo ug nagtabang sa pag-andam niini nga kahigayunan!Ang akong panghinaot alang kaninyo mao nga ang inyong panag-uban puno sa gugma, panagsinabtanay, ug grasya sa Ginoo.
Hinaut nga ang inyong relasyon mahimong inspirasyon ug panalangin sa mga tawo nga nagpalibot kaninyo, ug magpadayon kamo sa pag-uswag isip magtiayon.
Congratulations ug best wishes sa mga bag-ong managtiayon!
TURNOVER CEREMONY OF MULTI-PURPOSE BUILDING (COVERED COURT) AT PUROK 3, BARANGAY PANANSALAN.
Sa pagtinabangay ug pagkugi, malampuson natong natapos ang multi-purpose covered court nga magamit sa katawhan sa Barangay Panansalan kauban nato sa pagturn-over sa maong proyekto ang atong Vice Mayor Ricky P. Hechanova ug ang Team LEVelUP.
Dako kaayo among pasalamat sa atong Congresswoman Maricar Zamora ug Board Member Engr. Raul Mabanglo sa inyong walay puas nga suporta ug dedikasyon nahimong hinungdan sa kalampusan ning proyekto sa pagpaningkamot alang sa mga beneficiaries sa covered court nagdala ug dako nga kaayohan sa komunidad. Ang inyong dedikasyon nahimong hinungdan nga natuman kini nga proyekto, ug kini magdala ug dugang kalambuan sa maong lugar.
Salamat kaayo sa imong walay puas nga pagsuporta ug sa inyong importanteng papel sa pagpadayon sa mga programa nga makapalambo sa mga kabarangayan ug ang lungsod ilabi na sa Compostela. Kining covered court dili lang para sa sports para kini sa mga kalihokan ug kasadya nga maghatag ug bagong inspirasyon sa atong kabatan-onan ug mga katawhan sa Purok 3, Panansalan.
Padayon ang atong pag-uswag, Barangay Panansalan!
Mibisita kita ug nakiusa sa gipahitabo nga Annual Thanksgiving Celebration sa International One Way Outreach Inc. didto sa Poblacion, Compostela, ug malipayon kitang gipasidunggan isip kabahin sa ilang tinuig nga pagpasalamat sa atong Ginoo. Usa kini ka dako nga pagpamatuod nga taliwala sa atong mga pag-antos ug pagsulay, ang Ginoo nagpadayon sa pagpanalangin kanato.
Kini nga selebrasyon magpahinumdom kanato sa bililhong tradisyon sa pagpasalamat ug pagpahayag sa atong pagsalig sa Ginoo. Congratulations sa International One Way Outreach Poblacion, Compostela sa kalampusan sa inyong Thanksgiving Celebration! Kami uban ang Team LEVelUP nagapasalamat pud ug usab sa mga panalangin aron sa malampusong mga tinguha alang sa atong lungsod.
Magpadayon kita sa pagkahiusa sa mga kalihokan nga nagpalig-on sa atong espirituhanong pagtuo, ug padayon kitang mag-alagad alang sa kaayohan sa atong lungsod!
Karong adlawa mitambong kita sa 2nd semester nga barangay assembly sa Barangay Osmeña. Kini nga panagtigom usa ka maayong oportunidad aron magkatapok kita ug matan-aw nato ang mga nahimo nato sa atong barangay ug lungsod sa miaging mga bulan.
Dili gyud nato kalimtan ang dakong tabang nga gihatag ni Congresswoman Maricar Zamora para sa atong mga kabarangay ug sa tibuok Compostela. Tungod sa iyang suporta, daghan kaayo ta’g proyekto nga na-implementar, mga programa nga naka-alalay sa atong mga kaigsoonan, ug mga serbisyo nga natubag ang mga panginahanglan sa katawhan. Dako kaayo ang akong pagpasalamat kaniya tungod kay dili gayud mabuhat nato ang mga kalambuan nga atong nadawat karon kon wala iyang tinud-anay nga pagtabang.
Gusto usab nakong pasalamatan ang kooperasyon sa mga opisyal sa barangay nga gipangulohan ni Punong Barangay Lolito Pavia. Ang inyong pagpaningkamot ug dedikasyon usa ka dako nga kontribusyon sa atong mga kalampusan. Sa inyong pagtinabangay, mas dali nato natubag ang mga isyu ug mga panginahanglan sa atong barangay.
Sa padayon nga suporta ug kolaborasyon, sigurado ko nga magpadayon ang atong paglambo dili lang diri sa Barangay Osmeña, kundi sa tibuok lungsod sa Compostela. Daghang salamat, ug magpadayon kita sa pagtinabangay alang sa LEVelUp nga Serbisyo!
Dako ang akong pasalamat nga naimbitar aron mosaksi ug usa sa nag cut sa ribbon para sa opening ug human sa maong blessing sa Lord Anthony Funeral Homes. Kini usa ka bag-ong negosyo nga magdala og importansiyang serbisyo sa atong komunidad. Kining establishment maghatag ug suporta ug kalingkawas alang sa mga pamilya nga nagkinahanglan panahon sa ilang pagsubok.
Naglaum kita nga kini nga negosyo magmalampuson ug magpadayon nga maghatag ug dekalidad nga serbisyo alang sa katawhan. Suporta ta sa mga lokal nga negosyo nga adunay kasingkasing sa pag-alagad!
Congratulations, Lord Anthony Funeral Homes!