14 DAY MANDATORY HOME QUARANTINE GINAMANDO ALANG SA TANANG INDIBIDWAL NGA MAG-GIKAN SA DAVAO CITY

 

Subay sa pahayag ni Davao City Mayor Sara Duterte-Carpio kaganihang hapon sa Lunes, March 30, 2020, ug iyang gikumpirma na aduna nay “local transmission” sa COVID-19 sa lungsod sa Davao. Matud pa ni Mayor Duterte "Duna nay natakdan na walay travel history ug wala pud siyay history didto sa Sabungan. Pero nagpositive siya(pasyente)”

Ang Panggamhanang Lokal sa Lungsod sa Compostela, nag-awhag sa tanang muabot gikan sa lungsod sa Davao sugod gahapong adlawa Marso 30, 2020 nga mupailalom sa “Mandatory 14-day Home Quarantine”. Tanang nag gikan sa lunsod sa Davao kinahanglang muduol sa nagkadaiyang “Barangay Health Emergency Response Team (BHERT)” o sa maskin kinsang opisyal sa ilang barangay ug gihangyo nga mutuman sa pahimangno gikan sa atong Municipal Health Office para sa striktong pag monitor kay tanang gikan sa Davao City gikonsidera na nga PUM.

 

 


Dugang pahimangno nga ang dili mo cooperate ug magpailalum sa home quarantine mamahimong kuhaon ug ibutang sa isolation unit or mamahimong kasohan ilalom sa R.A. 11332.

Sugod pud karong adlawa Marso 31, 2020 hugtanong ipatuman ang pag istrikto sa atong mga checkpoint sa paggawas sa mga katawhan nga dili importante ang katuyoan sa paggawas.

Gina-awhag and tanan sa pag tuman.

Daghang Salamat.

 

Credits: FB LGU COMPOSTELA

Read 48 times Last modified on Tuesday, 31 March 2020 20:25